Жаңалық - Компания жаңалықтары

новость от 03.11.2020

Мүмкіндігі шектеулі адамдарға қалай көмектесуге болады
Күн сайын «Су ресурстары-Маркетинг» ЖШС-не тұрғын үй сатып алған немесе оны сыйлық ретінде алған адамдар хабарласады. Олар абоненттік базаға өзгеріс енгізуі тиіс – жеке шот иесінің атын өзгерту керек. Ол үшін сізге қандай құжаттар қажет?
«Біріншіден, сізге: egov.kz веб-сайтынан меншік құқығынан үзінді көшірме, сатып алу-сату шартының және жеке куәліктің көшірмелері қажет. Осыдан кейін үйдің жаңа иесі «Су ресурстары-Маркетинг» ЖШС-нің орталық кеңсесіне келуі керек, біз мұнда мәліметтер базамызға өзгерістер енгізіп, жаңа келісімшарт жасасамыз», - деді тұрғындармен жұмыс істеу бөлімінің бас маманы Наталья Мельникова.
Бірақ кейбір жағдайларда жаңа меншік иесі «Су ресурстары-Маркетинг» ЖШС-на өз бетінше жүгіне алмайды. Мысалы, мүгедектік жағдайында. Мекеме мүмкіндігі шектеулі жандарға арналған арнайы алгоритм әзірледі. Зейнеткер Лидия Петровна осы мүмкіндікті қолданды – оған дилерлік орталықтың өкілі келді.
«Егер адам мүгедектігіне байланысты бізге келе алмаса, ол бізге кеңсеге немесе дилерлік орталыққа байланысуы керек. Бұл жағдайда біз сіздің үйіңізге келісімшартты қайта ресімдеуге көмектесетін маман жібереміз. Мұндай жағдайда қажетті құжаттардың көшірмелері болуы керек. Сіз бізбен телефон арқылы, әлеуметтік желілер арқылы немесе сайт арқылы байланыса аласыз», - деп қосты Н.Мельникова.
«Су арнасының қызметкерлеріне жылдамдығы үшін рахмет. Кеше ғана біз көмек сұрадық, ал бүгін барлық мәселелер шешілді», - деп зейнеткердің қызы Елена Жұмабаева кәсіпорын өкіліне алғысын білдірді.
Сұрақтар бойынша +77019892219 немесе +77057581111 телефондары арқылы «Су ресурстары-Маркетинг» ЖШС-мен байланысуға болатындығын тағы бір рет еске саламыз. Вацапқа да жазуға болады.