Жаңалық - Компания жаңалықтары

новость от 08.12.2020

Виртуалды режимдегі тағы бір қоғамдық қабылдау
Табиғи монополияларды реттеу департаменті (ТМРД) кезекті қоғамдық қабылдау өткізді. Карантинге байланысты ол виртуалды режимде, Facebook әлеуметтік желісінде жүргізілді. Шымкенттегі ТМРД басшысы Д.Қайынбердиев табиғи монополиялар субъектілеріне қатысты шағымдарды қабылдады.
Тұтынушылардан «Су ресурстары-Маркетинг» ЖШС-не ешқандай шағымдар болған жоқ. Басқа қоғамдық қызметтерді жеткізушілерге қатысты бірқатар шағымдар болды, олардың барлығы бақылауға алынды.
Дархан Қайынбердиев кәсіпорын өкілдерін тұтынушылармен әлеуметтік желілердегі жұмысын күшейтуге, басшыларын өз парақтарын құруға шақырды. «Су ресурстары-Маркетинг» ЖШС-і осы стратегияны бұрыннан ұстанып келе жатқанын және абоненттермен әлеуметтік желілер арқылы жұмыс істейтінін айтып өтейік. Кәсіпорынның бас директоры Анарбек Орманның да Facebook-те жеке аккаунты бар.
Сонымен қатар, ТМРД басшысы келесі қоғамдық қабылдау, мүмкін, кәсіпорындардың бірінде – табиғи монополиялар субъектісінде болатынын айтты. Осы акция барысында қоғамдық қабылдауға қатысушылар тұтынушылармен жұмыс қалай жүргізілетіндігімен көзбен танысады.