Жаңалық - Компания жаңалықтары

новость от 05.10.2021

КЕЗЕКТІ ВИРТУАЛДЫ ҚОҒАМДЫҚ ҚАБЫЛДАУ ӨТТІ

ҚР ҰЭМ Табиғи монополияларды бақылау департаментінің Шымкент қаласы бойынша басшысы Дархан Қайынбердиев Facebook желісінде кезекті қоғамдық қабылдау өткізді. Іс-шараға коммуналдық қызметтерді жеткізушілер, Кәсіпкерлер Палатасы, партиялық және мемлекеттік органдардың өкілдері қатысты.
Күн тәртібінде, қызмет көрсету тұтынушыларымен табиғи монополиялар субъектілерінің жұмысы болды. Монополияға қарсы департамент қызмет көрсетушілердің қызметін әлеуметтік желілерде қадағалайды. Алайда, Дархан Қайынбердиевтің пікірінше, барлық кәсіпорындар бұл жұмысты тиісті деңгейде жүргізбейді. Тағы бір өзекті мәселе – чат-боттарды енгізу. Көптеген коммуналдық қызметтер чат-ботты енгізді, бірақ жазылушылар саны әлі төмен. "Су ресурстары-Маркетинг" ЖШС-де Telegram чат-ботына жазылушылар саны 106 мыңнан асты, бұл сумен жабдықтау және су бұру қызметтерін тұтынушылардың жалпы санының жартысы.
Виртуалды қабылдау барысында, тұтынушылар бірқатар өзекті сұрақтарға жауап алды. Атап айтқанда, "Қуатжылуорталық-3" МКК өкілдері алдын-ала деректер бойынша жылыту маусымы 20 қазанда басталатынын хабарлады. Көп қабатты үйлердегі домофон қызметтерінің қымбаттығы туралы да сұрақ қойылды. ТМРКД басшысы осы салада қызмет көрсететін компаниялардың қызметі монополиялық қызметке жатпайтынын айтты, өйткені нарықта бірнеше жеткізуші бар. Сондықтан, көп қабатты үйлердің тұрғындары домофон байланыс қызметін жеткізушілерді өздері таңдауы қажет.
"Су ресурстары-Маркетинг" ЖШС атына тұтынушылардан сұрақтар түскен жоқ. Келесі виртуалды қабылдау қараша айының бірінші сейсенбісінде өтеді.