Жаңалық - Компания жаңалықтары

новость от 19.10.2021

СУ БАЛАНСЫ ЖӘНЕ АҒЫП КЕТУЛЕРГЕ ҚАРСЫ КҮРЕС

Су - мұқият есепке алу мен бақылауды қажет ететін құнды ресурс. Сондықтан, су балансын есептеу су қабылдағыштардан басталады, онда әр ұңғыма шығын өлшегішпен жабдықталған. Қалаға кіре отырып, су мөлшері алдымен орамдарда, содан кейін көше мен үйге арналған су есептегіштерде есептелінеді. Соңғы есептеу нүктесі - жеке су өлшегіш.
Бұл не үшін қажет? Ең алдымен, жасырын ағып кетуді анықтау үшін. Барлық шығын өлшегіштер мен су өлшегіштер (орам, көше және жалпыүйлік) тарату құрылғыларымен жабдықталған. Олар күн сайын қабылданған су көлемі туралы мәліметтер жиынтығын кәсіпорын базасына жібереді. Яғни, "А " нүктесінен "В" нүктесіне қанша су жіберілгені оңай өлшенеді. Осылайша, судың жоғалуына ғана емес, одан да ауыр зардаптарға , жол төсемінің құлауы, тұрғын үйлердің жуылуы және басқа да жағдайларға әкелуі мүмкін жасырын ағып кетулерді анықтау қиынға соқпайды.
Пайдалану қызметтері күдікті учаскедегі құдықтарды тексереді, ағып кетуді анықтайды және зерттеулер жүргізуге өтінім береді. Жерасты су құбыры коммуникацияларында жасырын ағып кетулер мен екпіндерді анықтау үшін мобильді зертхана қолданылады. Оның штатында 3 адам бар, бұл мамандардың жабдықтары мен арнайы құрылғылар жиынтығы бар, соның арқасында сыртқы зерттеулер жүргізіп, екпіннің орнын анықтай алады.
"Мүмкін болатын ағып кету орнына келген соң, мамандар трасса іздегішпен құдықтар арасындағы құбырдың тереңдігін, нақты орналасқан жерін анықтайды. Әрбір құдыққа коррелятор қалташалары орнатылады, құрылғыға қажетті деректер енгізіп, су құбырындағы ағып кету орны бойынша есептеулер жүргізіледі. Коррелятордан басқа, жергілікті Шу іздегіш те қолданылады – ол ағып кетудің нақты орнын анықтауға көмектеседі. Содан кейін, пайдалану қызметінің қызметкерлері шақырылады, олар екпінді тікелей жоюмен айналысады", - деді "Су ресурстары-Маркетинг" ЖШС орталық диспетчерлік қызметінің 1-сыныпты инженері Байбек Мұратов.
Жасырын ағуларды анықтау бойынша, мобильді зертхананы қолдану артық энергия шығынын болдырмауға мүмкіндік береді, өйткені қазу нүктелі жүргізіледі. Егер жасырын жер асты ағып кетулері уақытында анықталмаса, онда олар өте ауыр зардаптарға әкелуі мүмкін. Жұмыстар күн сайын, әзірленген кесте бойынша жүргізіледі. Диагностика бөлімінде жұмыс істейтін мамандар арнайы оқудан өтіп, сертификаттар алған.
Сондай-ақ, таратушы құрылғылардың жұмысы да мұқият бақыланады. Мамандар электрондық деректермен мобильді қосымша арқылы танысады. Тарату құрылғылары мен су есептегіштеріндегі деректерді салыстыру өте тез жүреді. Қазір "Су ресурстары-Маркетинг" ЖШС-де ең заманауи құралдар қолданылады. Айта кететін жайт, цифрландырудың маңызды кезеңдерінің бірі, жеке есептеу құралдарының көрсеткіштерін беру болып табылады. Бұл әдісті сынау үшін эксперимент жүргізілген болатын, оның барысында көп қабатты үйдің пәтерлерінен суды жеке есептеу құралдарының көрсеткіштері инспектор-бақылаушылардың қатысуынсыз кәсіпорын базасына беріледі.
"17 шағын ауданда, 5 "А" үйінде, барлық су есептегіш құралдары жертөледе орналасқан. Олардың барлығы арнайы тарату құрылғыларымен жабдықталған, олар Интернет байланысының көмегімен көрсеткіштерді кәсіпорын базасына жібереді. Эксперимент алты ай бұрын басталды, әрине, қателіктер болмауы үшін бақылаушылар мезгіл-мезгіл көрсеткіштерді тексерді. Нәтижесінде, 6 айда ешқандай қателік анықталған жоқ",-деді Су ресурстары-Маркетинг" ЖШС БӨАжА инженері Нұрсұлтан Есімқұлов.
Инновациялар мен аэроғарыш өнеркәсібінің цифрлық даму министрі Бағдад Мусиннің келуі кезінде, кәсіпорын басшылығы жаңа құрылыстарда таратушы құрылғылармен жабдықталған жоғары дәлдіктегі жеке су өлшегіштерді орнату мәселесін көтерді. Бұл жаңашылдық Қазақстан Президенті айтқан сумен жабдықтау саласын цифрландыру тұжырымдамасына сәйкес келеді. Бірақ, әзірге Шымкенттің жаңа шағын аудандарында әдеттегі жеке су өлшегіштерді орнатуды жөн көреді.