Жаңалық - Аймақ жаңалықтары

новость от 30.12.2021

АУЫЗ СУМЕН ҚАМТУ ЖҰМЫСТАРЫ ЖҮЙЕЛІ ТҮРДЕ ЖҮРГІЗІЛУДЕ

        Шымкентте биыл елді мекендерді сапалы ауыз сумен қамту бағытында 14 нысанның құрылысы жүргізілді. Оның 11 ішкі орамдық жүйе, үшеуі 30 шақырымды құрайтын магистралды су қабылдағыш.
        10 елді мекенде құрылыс аяқталып, абоненттеу жұмыстары жалғасуда. Нәтижесінде Тұран, Асар-2, Солтүстік саяжай, Ынтымақ-2, Батыс, Жаңатұрлан және Ақтас-2, Жаңаталап, Сәуле (276 орам) және Нұртас елді мекенінде ауыз су мәселесі түбегейлі шешілді.
        Жыл соңына дейін қамтылу көрсеткіші 98 пайызға, ал, қаланың даму жоспары бойынша 2023 жылы көрсеткіш 100 пайызға жетпек.
        Сонымен қатар, биыл құбыр тарту жұмысы басталған Құрсай шағын ауданында құрылысты келер жылы аяқтап, пайдалануға беру жоспарланып отыр.
        Қайнар бұлақ пен Сайрам тұрғын алабында ауыз сумен қамту құрылысы 2022 жылы жүргізіледі.