Жаңалық - Компания жаңалықтары

новость от 21.06.2023

"Су ресурстары-Маркетинг" ЖШС-не суды есептеу құралын қалай ауыстыруға болады, ол үшін не істеу керек, тексерту және ауыстыру құны қанша? деген сұрақтар жиі қойылады. Көпқабатты үйлер мен жеке үйлердегі су есептегіш құралын ауыстыру бағасы екі түрлі. Оның себебі неде? Осы сауалдарға жауап алу үшін біз "Водомер" ЖШС-не хабарластық. Қаладағы бірден-бір мамандандырылған ұйым осы. Бұл мекеме су есептегіштерді тексерумен және ауыстырумен жіті айналысады.

Қолданыстағы су есептегіш құралы паспортында көрсетілген тексеру аралық интервалға сәйкес тексеріледі, сондай-ақ қоймада ұзақ уақыт жатып қалған жағдайларда пайдаланар алдында міндетті түрде тексеріледі.

"Водомер" ЖШС - суды есептеу құралдарын тексеруге және оларды ауыстыруға лицензиясы бар кәсіпорын. Компанияда заманауи, сертификатталған жабдықтармен қамтылған өндірістік база бар, ол жеке үйлер, пәтерлер және өнеркәсіптегі су есептегіш құралдарын жіті тексеруге мүмкіндік береді. "Водомер" ЖШС-де кәсіби, тәжірибелі мамандар жұмыс істейді.

Сонымен, су шаруашылығы қызметін есепке алу жөніндегі инспектор тұтынушыға суды есептеу құралын тексерту керек деген хабарлама берді дейік (тексеру мерзімін Telegram чат-ботынан да білуге болатынын ескеріңіз, сілтемесі:wrm_bot). Әрі қарай не істейсіз? Мамандандырылған және лицензиясы бар кәсіпорынға өтініш беруіңіз қажет. Мысалы, "Водомер" ЖШС-н алайық. Өтінішіңізді қабылдаған диспетчер сізге шебердің келетін  күнін нақтылап айтуы керек. Маман суды есептегіш құралын бөлшектеп, оған құжат рәсімдейді, есептегішті абоненттің өзіне қалдырады. Әрі қарай, тұтынушы қай  кәсіпорынға тексертуге апаратынын өзі таңдап, алып барады. Тексерген мекеме сертификат береді, ал деректер "Су ресурстары-Маркетинг"ЖШС биллинг жүйесінің базасына енгізіледі. Жаңа есептегіш құралын орнату керек болса, шеберхана маманы суды есептеу құралын желіге орнатып, қосып береді және оны пломбалайды, сондай-ақ құжаттарын да беред: ол суды есептеу құралын орнату бойынша келісім-шарт, істелген жұмыстың актісі, су өлшегішті ауыстыру актісі және құралдың паспорты. Тұтынушы төлем түбіртегін "Водомер" ЖШС кеңсесінен ала алады.

Ғалымжан Қаңлыбаев «Водомер» ЖШС директоры

"Қызмет бағасы бойынша және диаметрі 15 мм-лі суды есептеу құралын тексеру "Водомер" ЖШС-де 7275 теңгені құрайды, бұл сомаға бөлшектеу және тексеру жағдайында су өлшегішті қайта монтаждау кіреді. Көпқабатты үй тұрғындары үшін суды есептеу құралын орнату 13451 теңгені құрайды", жеке жер үйлерде - вентильді ауыстырумен бірге 14862 теңгені құрайды. Жоғарыда көрсетілген қызмет пен өзгерістер туралы деректер автоматты түрде "СРМ" ЖШС биллинг жүйесінің дерекқорына енгізіледі

Көпқабатты үйлер мен жер үйлердегі су есептегіш құралдарын ауыстыру бағасында айырмашылық бар, өйткені жеке секторда суды есептеу құралымен бірге клапан да ауыстырылады, себебі, бұл ең осал жер, оны міндетті түрде ауыстыру керек. Тексеру қалай жүргізілетінін маманнан артық ешкім айта алмас.

Сергей Меньшинин "Водомер" ЖШС метрологы.

"Есептегішті тексеруді арнайы зертханасы бар, тиісті жабдықтармен қамтылған орында жүргізіп, кем-кетігін нақты анықтап, қорытынды шығарған дұрыс. Есептегіш құралын сертификаттауға және оны одан әрі пайдалануға рұқсат беретін тұс та маңызды. Су өлшегіші жарамсыз болса, оны барлық стандарттарға сәйкес келетін жаңа есепке алу аспабына ауыстырып, оны растайтын құжатын, анықтамасын береміз".

"Водомер" ЖШС және басқа да лицензиясы бар кәсіпорындардың байланыс телефондары, олардың орналасқан жері туралы ақпаратты әлеуметтік желілерден табуға болады.