Жаңалық - Компания жаңалықтары

новость от 08.12.2023

Көрсетілетін қызметті стандарттау қажет пе?

"Су ресурстары-Маркетинг" ЖШС мамандары қызмет көрсетуді стандарттауға арналған салааралық кеңеске қатысты. Зум арқылы өткен жиынның бастамашысы - Қазақстандық ТКШ орталығы, оған бірнеше министрліктер мен ведомстволардың өкілдері қатысты.

Коммуналды қызмет түрлерін стандарттау – сол қызметті көрсету деңгейін және монополистердің жауапкершілігін арттыруы тиіс, деп есептейді Қазақстандық ТКШ орталығының басшылығы. Одан басқа, кейбір ілеспе қызметтерді ұсыну заңнамалық актілермен реттелмейді де. Бұл мәселені де қарастырып, түбегейлі шешу керек.

Жалпы, стандарттау шараларын бастамас бұрын, мүдделі тараптардың бәрінің пікірін тыңдау қажет. Тиісті жол картасы мен алгоритмді әзірлеп, содан кейін ғана нақты шешім қабылдау қажет. Себебі, қызмет көрсетудің бірыңғай стандарты бекітіліп, кей тұста бірнеше бағыт бойынша жасалады. Сонымен қатар, болашақта тұтынушыларға ыңғайлы болу үшін осы процесті цифрландыруды да қарастыру керек. Сарапшылардың айтуынша, Қазақстанда қызмет көрсетуді стандарттау процесі ұзақ уақыт алады.