Жаңалық - Компания жаңалықтары

новость от 24.12.2019

Қоғаммен байланыс
Шымкент су арнасы әлеуметтік желілерде өзін белсенді түрде таныта бастағаннан бері бір жылдан астам уақыт өтті. Компания өз аккаунттарын Instagram, Facebook, Telegram және «Одноклассники» желілерінде ашты. Бүгінгі таңда бұл тұтынушымен байланыста болудың тағы бір тиімді әдісі.
Instagram-да «Су ресурстары-Маркетинг» ЖШС-і жазылушыларының саны 2000 адамға жақындап келеді. Су арнасының аккаунттарына жазылған әлеуметтік желілерді пайдаланушылар сумен жабдықтау және кәрізге қатысты проблемалары, төлем немесе тариф, жөндеу жұмыстары туралы білуге мүмкіндік алды. Әлеуметтік желілерде тұтынушы өз мәселесі бойынша жедел жауап немесе шешім ала алады.
Әлеуметтік желілердің арқасында 2019 жылы мекеме бірнеше қызықты және пайдалы сайыстар өткізді (мысалы, суды үнемдеу жолдары туралы), Қарасу каналында кең көлемді сенбілік ұйымдастырылды. Келесі жылы да әлеуметтік желілер арқылы байланыс жалғасады. Біз барлық шағымдар мен ұсыныстарға жауап береміз, «Су ресурстары-Маркетинг» ЖШС-ң басшылығы қала тұрғындарымен сұхбаттасуға әрқашан дайын.