Жаңалық - Пайдалы кеңестер

новость от 05.02.2020

Қалай дұрыс құлау керек
Құлау барысында:
• Қолыңыздағы заттарды сақтап қалуға тырыспаңыз, сіздің денсаулығыңыз маңыздырақ; жүкті тастаңыз да, тепе-теңдікті сақтап қалуға әрекет етіңіз.
• Егер сіз тайып кетіп, құлай бастаған болсаңыз – бұлшық еттеріңізді қатайтыңыз, жинақтаңыз (егер мұны жасамасаңыз, бар соққы сүйектерге түседі), бүйіріңізге құлауға тырысыңыз.
• Құлаған кезде тізеңізді бүгіп, шамалы отырыңқырауға әрекет етіңіз – бұл құлау биіктігін төмендетеді.
• Сынықтарды болдырмас үшін құлаған кезде қолдарыңызды алға созбаңыз.
• Егер сіз арқаңызға құласаңыз, иегіңізді кеудеге қысып ұстауға тырысыңыз – бұл бас жарақатының ықтималдығын азайтады.
• Құлағаннан кейін бірден тұруға тырыспаңыз – жарақат алғаныңызды тексеріп алыңыз, содан кейін мұқият көтеріліңіз.
Маңызды! Егер құлағаннан кейін, зақымдалған аяқ-қолдарыңызда қатты ауырсыну, бас айналу мазалайтын болса, сіз дереу дәрігерге жүгінуіңіз керек!