Жаңалық - Пайдалы кеңестер

новость от 13.10.2019

Мамандар қазаннан наурызға дейінгі кезеңді респираторлық және вирустық инфекцияларымен, оның ішінде тұмау ауруымен ауыру қаупі жоғары деп санайды. Егер отбасында біреу тұмау белгілерімен ауырып қалса, қалай сақтануға болады? Сіз тұмаумен ауырған адамды оқшаулауға тырысуыңыз керек: оны бөлек бөлмеде жатқызыңыз. Науқастың бөлмесін, сондай-ақ бүкіл пәтерді немесе үйді үнемі желдетіп отыру керек. Адам ауырып жатқанда, ол тек жеке ыдыс-аяқ жиынтығын – табақ, шыныаяқ, қасық, шанышқыны ғана емес, сонымен қатар сүлгі мен төсек жабдықтарын да бөлек пайдалануы керек.
Егер үйде науқас болса, күнделікті дымқыл тазалауды жүргізу қажет. Пияз бен сарымсақты пәтердің ішіне турап қоюға болады. Жақсы тамақтану мен демалуды, таза ауада серуендеу мен спорт туралы да ұмытпаған абзал. Мұрынның шырышты қабығына қолданылатын вирусқа қарсы жақпа қолдануға болады. Мұрын бітеліп қалмауы керек. Тамшыларды қолдану керек және мұрынды теңіз суымен шаю қажет. Көбісі инфекциядан қорқып, бетперде киеді, бірақ олар оны дұрыс пайдаланбайды. Масканы әрбір 1,5-2 сағат сайын ауыстырып отыру қажет.
Науқасқа көп мөлшерде жылы сусын және төсек демалысы пайдалы. Плюс симптоматикалық терапия. Диагноз жасалғаннан кейін дәрі-дәрмектерді тек дәрігер тағайындай алады. Аурудың алғашқы белгілерінде сіз дәрігерді шақыруыңыз керек. Тұмауды аяқта жүріп емдеуге болмайды. Дәрігердің бақылауы міндетті: тұмау өте тез дамитын ауыр асқынулармен қауіпті. Олардың арасында пневмония, менингит және өмірге қауіп төндіретін басқа жағдайлар бар.