Жаңалық - Компания жаңалықтары

новость от 04.02.2020

Су есептегіштерін тексеру туралы
Сонымен, су есептегішті тексеру уақыты келді. Әдетте, сервистік компания, біздің жағдайда – бұл «Водомер» ЖШС-і, sms-хабарлама арқылы жақында болатын процедураны еске салады. Сіз жауапкершілігі бар тұтынушы ретінде көрсетілген уақыт аралығында осы ұйымға қоңырау шалып, есептегішті тексеруге сұраныс қалдыруыңыз керек. Әдетте, өндіруші өнімдердің тексеруден өту күндерін көрсетеді. Аралығы орнату сәтінен бастап 5 жыл, ал құрылғының өзі, техникалық паспортына сәйкес, әдетте 12 жылға жарамды.
Есептегішті тексеру туралы сұраныс қалдырғаннан кейін сізге маман келіп, құрылғыны шешіп, тексеру зертханасына алып кетеді. Су есептегіштерін тексеру процедурасы үшін лицензия, сертификаттар және жабдыққа арнайы аккредитация қажет. «Водомер» ЖШС-де бұл құжаттардың барлығы бар.
Зертхана арнайы стендтермен жабдықталған, барлық бөлімдер хромдалған, бөлме мінсіз таза. Тексеруші маман алдымен есептегішті тазартады – оның ішінде өсімдер пайда болуы мүмкін. Есептегіш арнайы стендке салынғаннан кейін, ол үш режимде сыналады: минималды, номиналды және өтпелі. Егер судың шығыны нормаға сәйкес болса, онда су есептегіш тексеруден өтті деп саналады. Иесіне тиісті сертификат беріледі – тексеру актісі, ол келесі 5 жылға жарамды. Егер су есептегіш белгіленген параметрлерден өтпесе, онда жарамсыздық туралы хабарлама шығарылады, содан кейін сізге жаңа су есептегіш сатып алу қажет. Сол зертханада диаметрі 200 мм дейінгі өндірістік су есептегіштерін тексеру жүзеге асырылады.
Бүгінгі таңда суды тұтынуды бақылау үшін «С» метрологиялық класына жататын жоғары сезімтал су есептегіштері қолданылады. Олар ескірген есептегіштердің орнына пайдалануға беріледі. Олардың құны (шеберді шақыру, ескісін шешу, жаңа су есептегішті орнату, пломбалау және ҚҚС қоса есептегенде) 9050 теңгені құрайды. Есептегішті тексеру 4000 теңге тұрады. Егер сіз уақытында тексермеген болсаңыз немесе сіздің құрылғыңыз жарамдылық мерзімінен асып кетсе, суды ұтымсыз пайдаланғаныңыз үшін айыппұлдарға дайын болыңыз.
Өлшеу құралдарын тексеру және ауыстыру мерзімдеріне қатысты барлық сұрақтар бойынша сіз келесі мекен-жайға хабарласа аласыз: Теріскей ш/а, нөмірсіз үй, тел: 37-54-57, 37-33-62.